Өскемендік Ұлы Отан соғысының ардагерлері және «Социалистік Еңбек ерлері» - Қайролла Бақтыбаев, Әутәліп Қалиев пен Қайырбек Айжігітов та Елбасының құттықтау хатын қабыл алды. Ардагерлер алғыстарын айтып, бүкіл елге жаңажылдық тілектерін жолдады.
Ұлы Отан соғысы ардагерлерін құттықтау акциясы елдің барлық өңірлерінде жалғасуда. Ардагерлер Елбасының арнайы құттықтауын алып, жаңа жылды ерекше көңіл-күймен қарсы алды. Солардың бірі жамбылдық - Александра Кичигина.
Кешегі сұрапыл жылдарда Отан үшін от кешкен ержүрек сарбаздардың бірі - қостанайлық Телғара Әбенов ақсақал. Ол Кеңес әскері қатарында жеті жылдан астам борышын өтеді. Бейбіт өмірде де елге адал қызмет етті.
Жеңісті жақындатқан жандар әрдайым ел жадында. Осынау сұрапыл соғыстың куәгерлері бейбітшілік пен тыныштықтың мән-маңызы туралы кейінгі буынға айтудан жалыққан емес.
Павлодар облысында тұрып жатқан Ұлы Отан соғысының ардагерлері Елбасының атынан Жаңа жылдық құттықтау хаттарды алып жатыр. Бейбіт күннің қадірін адамзат тарихындағы ең сұрқия, зұлмат соғысты көзбен көрген қариялардан артық ешкім біле қоймас.
Қарағанды облысындағы 376 ардагердің барлығы да жаңа жыл қарсаңында Елбасы құттықтауын алды. Соның бірі – Балқаш қаласында тұратын Рашида Сергиенко.
Көкірегі қазына қарияларын қазақ елі ерекше құрмет тұтады.
Ұлы Отан соғысына елімізден мыңдаған бозбала қабырғасы қатпай аттанды. Солардың бірі – алматылық ардагер Нұртай Қашағанов. Ол кісі бар болғаны 16 жасында Беларусь майданына қатысқан.
Маңғыстау облысы, Мұнайлы ауданында тұратын Ұлы Отан соғысының ардагері Фахрузиян Серебрикова баспаналы болды. Осыған дейін пәтер жалдап келген кейуананың қуанышында шек жоқ.
Елбасының құттықтау хатын алғандардың бірі – павлодарлық Ұлы Отан соғысының ардагері Егор Павлович Ковлягин. Ол мемлекет тарапынан көрсетілетін көмекке дән риза.
Ұлы Отан Соғысының ардагері Оспан Жүсіп үшін Жаңа 2015 жыл ерекше болмақ. Жеңістің 70 жылдығы қарсаңында, қарт майдангердің жұбайы Жазира әжеймен отасқанына 70 жыл толады.