Агенттік тарихы

«Хабар» Агенттігі» АҚ-ның тарихы 1995 жылдан басталады. Сол кездегі Қазақ телеарнасының ақпараттық қызметі негізінде «Хабар» Ұлттық Телевизиялық Ақпараттық Агенттігі құрылады.

Бүгінгі таңда «Хабар» Агенттігі» АҚ – қазақ және орыс тілдерінде хабар тарататын үш арнаның тоғысқан орталығы. «Хабар» Агенттігі» АҚ-ның құрамына республикалық «Хабар» мен «Хабар 24» және EL ARNA телеарналары кіреді. Телеарналардың тәуліктік хабар тарату көлемі: «Хабар» – 20 сағат, «Хабар 24» – 24 сағат, EL ARNA – 24 сағат.

Агенттіктің Қазақстанда және Ресей, АҚШ, Германия, Оңтүстік Корея, Қытай, Бельгия, Түркия, Өзбекстан елдерінде тілшілер қосыны жұмыс істейді. Эфирдің 70% телеарнаның төл туындылары, яғни телеарнада түсірілетін бағдарламалар, фильмдер мен телехикаялар.