Хабар телеарнасы

Астананың 20 жылдық мерейтойын Түркияда атап өтті

Елордамыздың 20 жылдық мерейтойын түрік халқы кең құлашпен атап өтті. Ел астанасы Анкарада танымал саясаткерлер мен зиялы қауым өкілдері бас қосып, жиын өткізді. Кейін арнайы гала концерт ұйымдастырылды. Оған «Аққу» би ансамблі мен «Достық сазы» фольклорлық ансамблі сынды Қазақстаннан барған өнер ұжымдары да қатысты. Мерекелік шара аясында Анкараның Кечиөрен ауданының орталығында «Қазақстан үйі» ашылды. Онда жергілікті тұрғындар қазақтың қолөнер бұйымдарын тамашалап, салт-дәстүрі және әдет ғұрыптарымен етене танысты.

Абзал Сапарбекұлы, Қазақстанның Түркиядағы елшісі:

 - Түрік сарапшылары, саясаткерлері, зиялы топтың өкілдері бар. Олардың дөңгелек үстелде Астана мен Анкара қаласының елорда болуындағы тағдыры ұқсас деп отыр. Елбасы Нұрсұлтан Әбішұлы Назарбаевтың осы тұрғыда мемлекет құруда, тілдік реформалар, экономикалық-саяси реформалар болсын және осы Астананы көшіру туралы реформасы тұрғысынан Ататүрікпен өте көп ұқсастықтарын атап өтуде.