Хабар телеарнасы

Э. Әзімова Президентке әйелдер мен балалардың құқықтарын қорғау бойынша қабылданатын шаралар туралы баяндады

Ол Қасым-Жомарт Тоқаевқа Омбудсмен офисінің құқық қорғау қызметі бағытында атқарып жатқан жұмыстары, оның ішінде Мемлекет басшысының тапсырмасы бойынша қабылданған маңызды шешімдер жайында баяндады. Бұл шешімдер азаматтардың құқықтарын қорғаудың конституциялық кепілдігін одан әрі нығайтуға бағытталған.

Эльвира Әзімова Президентке әйелдердің, балалар мен мүмкіндігі шектеулі жандардың құқықтарын қорғау бойынша заңнамалық және атқарушы деңгейлерде қабылданатын шаралар туралы ақпарат берді. Құқық қорғау қызметімен айналысатын үкіметтік емес ұйымдарды қолдауды кеңейту, қылмыстық заңнаманы ізгілендіру саясатын жалғастыру, сондай-ақ Адам құқықтары бағытындағы заң шығару процесіне Уәкілді және азаматтық қоғам өкілдерін тарту жөніндегі ұсыныстар қаралды.

Кездесуде «Омбудсмен туралы» заң қабылдау жөнінде айтылып, Уәкіл институтына мемлекеттік қолдау көрсету және оның әлеуетін өңірлер деңгейінде нығайту мәселесі талқыланды.