10:00Әрі қарай: Кино «Глаза дракона»
+7 (7172) 757 540
astananews@khabar.kz

ШҚО коронавирустық инфекцияның екінші толқынына қызу дайындалып жатыр

  • Категория: Саясат
ШҚО коронавирустық инфекцияның екінші толқынына қызу дайындалып жатыр

Өңірдегі жұқпалы аурулар ауруханаларындағы төсек-орындары 10 есеге көбейіп, жалпы құны 18 млрд теңгенің медициналық құрал-жабдықтары сатып алыну үстінде.

Бұл жайында Президенттің қабылдауында болған ШҚО әкімі Даниал Ахметов айтты. Облыс басшысы «Жұмыспен қамтудың жол картасы» бағдарламасы шеңберінде атқарылған жұмыстар жайында да Президентке баяндады.

Әкімнің айтуынша, Өскемен – Талдықорған, Семей – Майқапшағай күре жолдары қазан айының соңына дейін пайдалануға беріледі. Бұдан бөлек, Даниал Ахметов Абайдың 175 жылдығы аясында жасалған жұмыстардың нәтижесімен таныстырды. Биыл Семей қаласындағы автомобиль жолдары жөнделіп, 300 балаға арналған мектеп салынған. Тұрғын үй құрылысының қарқыны артып, мұражай кешені толықтай жаңартылған. Кездесу соңында Қасым-Жомарт Тоқаев аймақтың әлеуметтік-экономикалық дамуын қадағалап, облыстың ауылшаруашылық саласындағы экспорттық әлеуетін арттыруды тапсырды.

Сондай-ақ...