18:00Эфирде: «Фар Край» кино
+7 (7172) 757 540
astananews@khabar.kz

Алдағы қыста азық-түлік тағы қымбаттауы мүмкін

  • Категория: Қоғам
Алдағы қыста азық-түлік тағы қымбаттауы мүмкін

Онсыз да арзан емес еді. Қымбатшылық мал азығының аздығы мен мал басының қысқаруына байланысты.

Бұл мәселені Ауыл шаруашылығы министрінің кеңесшісі Төлеутай Рақымбеков Ұлттық қоғамдық сенім кеңесінің жұмыс отырысында көтерді. Оның айтуынша, біздегі 220 мың шаруа қожалығының тек 2-3% ғана мемлекеттің қолдауын сезініп отыр. Қалғандарының қолы қысқа. Мұны Президент түсінеді, сондықтан кешегі Жолдауында ауыл мен ауыл шаруашылығы саласының проблемаларын жеке-дара атап өтті. Ал осы кеңестің тағы бір мүшесі Гүлмира Илеуованың ойынша, Қазақстан билігі біздегі кедейліктің деңгейін нақтылап, онымен жүйелі күресті бастауы керек.

Гүлмира Илеуова, «Стратегия» әлеуметтік және саяси зерттеулер орталығының президенті, ҰҚСК мүшесі:

- Өзбекстан өткен жылы Экономикалық даму және кедейлікпен күрес министрлігін құрды. Қытай да өз халқының кедейлігімен күресіп, оған ақша бөледі. Біздегі халықтың шамамен  4-5% тамаққа ақшаның жетпейтінін айтады. Ал 2021 жылы халықтың 13% тамақтануға ақшасы жоқ екенін және 26% отбасының экономикалық жағдайы нашар және өте нашар екенін айтқан. Қазақтар өз кедейлігін мойындағысы келмейді, бірақ бұл көрсеткіштер ойдан құрастырылған жоқ.

 

Сондай-ақ...