Хабар телеарнасы

Елімізде 1,5 млн астам адам несиесін төлей алмай жүр

Халық қалаулысының сөзінше, микроқаржы ұйымдарына қарызын өтемегеніне үш айдан асып кеткен азаматтар саны 555 мыңдай. Сәйкесінше, берешекке белшеден батқан адамдар әлеуметтік кедергілерге жиі тап болады. Мысалы, қарыз алған 10 адамның төртеуі несиесін өтеуге шамасы келмейді. Сол үшін азаматтың төлем қабілетін ескермей, ақшаны оңды-солды үлестіретін ұйымдарға бақылау қажет. Осылай деген депутат Премьер-Министрдің атына үндеу жолдады. 

Юрий Ли, ҚР Парламенті Мәжілісінің депутаты:
- Қаржы нарығын реттеу және дамыту агенттігі Үкіметтік емес ұйымдардың мерзімі өткен барлық портфелі бойынша тексеру жүргізу қажет. Мемлекеттік несие бюросы Үкіметтік емес ұйым коллекторларынан берілген қарыздар туралы ақпарат беруі керек. Мемлекеттік қызмет істер агенттігінен онлайн микрокредит беруге жетекшілік ететін қызметкерлердің атқаратын лауазымдарына сәйкестігін тексеруді сұраймыз.