10:00Эфирде: Телесериал «Березка»
12:00Әрі қарай: Жаңалықтар
+7 (7172) 757 540
astananews@khabar.kz

Шахмат мектеп бағдарламасына қосылады

Шахмат мектеп бағдарламасына қосылады

Президент осы спорт түрінен Қазақстан әйелдер құрамасының мүшелерімен және федерация өкілдерімен кездесіп, оның даму жайын талқылады.

Отырыс барысында шахматшылар Алматыда 1500 балаға арналған шахмат пен ақпараттық технологияларды тереңдетіп оқытатын мектеп-интернат салу жөніндегі және бұл спорт түрін мектеп бағдарламасына факультативтік пән ретінде қосу ұсыныстарын айтты. Қасым-Жомарт Тоқаев бұл бастаманы құптайтындығын айтып, кәсіпкерлер тарапынан шахмат спортын дамытуға қолдау көрсетудің маңызды екеніне баса мән берді. Ақордаға Президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева, Гүлісхан Нақбаева, халықаралық шебер Меруерт Камалиденова және Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылған болатын. Мемлекет басшысы танымал шахматшы қыздарға ілтипат білдіре отырып, бұл ойынға ерекше мән беретінін атап өтті. Сондай-ақ Қазақстанның әйелдер құрамасы алдағы уақытта Үндістанда өтетін Дүниежүзілік шахмат олимпиадасында табысты өнер көрсететініне сенім білдіріп, сәттілік тіледі.

Сондай-ақ...