«Хабар» Агенттігінің журналистері мемлекеттік наградалармен марапатталды

Марапаттарды «Хабар» Агенттігінің Басқарма Төрағасы Берік Уәли табыс етті. Медиахолдинг басшысы өз сөзінде әріптестерін кәсіби мерекелерімен құттықтап, қажырлы еңбектері үшін алғысын білдірді.

Өңірлік тілшілер - Мағауия Қалиев пен Әнел Есенбердина «Ерен еңбегі үшін» медалімен марапатталды.

Отандық теледидарды дамытуға қосқан үлесі үшін Қазақстан Республикасы Президентінің Құрмет грамоталарымен келесі қызметкерлер марапатталды:

Ирина Камышова – «Хабар» арнасының ақпараттық-сараптамалық бағдарламалар қызметі жаңалықтар бөлімінің бас редакторы;

Лаура Байбатчанова – «Хабар» арнасының ақпараттық-талдау бағдарламалары қызметі жаңалықтар бөлімінің редакторы;

Анна Абрамова – «Хабар» арнасының ақпараттық-сараптамалық бағдарламалар қызметі аналитикалық бағдарламалар бөлімінің тілшісі;

Айдана Кәрібжанова – «Хабар 24» арнасы халықаралық ақпарат бөлімінің бас редакторы;

Жандос Жұмабеков - өңірлік тілшілер қосынының меншікті тілшісі.