«Шаршы алаңдағы БАРЫС» деректі фильмі
2019 жыл. Айдос Ербосынұлы мен Омар Гарсия арасындағы айқас. Алғашқы раунд үйреншікті үлгіде басталды. Қазақстандық боксшы ортаға жайғасып, сол қолымен ғана жұмыс жасады. Ара қашықтықты сақтап, қарсыластың қарымын байқады. Ал Омар қарсыластың қателігін ұтымды пайдаланып, қарымта соққыларға басымдық береді. Айдос өз өлшемдерін өз есебіне қолдануға тырысады. Қазіргі таңда ол қазақстандық «Suleimen promotions» қанатының астында өнер көрсетеді. Бүгінге дейін 15 жекпе-жек өткізіп, 15-інде де жеңіске жетті. Әлемдік рейтингтің алдыңғы ондығына, бестігіне, тіпті бір тұжырым бойынша көш басына да көтерілді. Енді жетіспей тұрғаны – Әлем чемпионы болу.