Хабар телеарнасы

«Мерейлі отбасы 2021». Тәжімұратовтар әулеті /БҚО, Бөкей ордасы ауданы, Бөрлі ауылы

Бөрлі ауылындағы Тәжімұратовтар әулеті биыл «Мерейлі отбасы 2021» ұлттық байқауында Батыс Қазақстан облысы бойынша жеңімпаз атанды. Үйдің отағасы Нағим Тәжімұратов 1956 жылы дәл осы ауылда малшының отбасында дүниеге келген. Ата-анасы мал бағып күнелткенімен, балаларының оқып-тоқуына жағдай жасай біліпті. Нағим Тәжімұратов сол аумақтағы мектеп-интернатта білім алады. 1975 жылы әскери борышын өтеу үшін Венгрияға жолданады. Екі жылдан соң елге оралып, еңбекке араласады. Алайда алдымен малға емес, Алматыға барып құрылыс саласына бет бұрады.